ANDRÈU PÉES

Daunas e mestès,

E conéishetz lo libe de Michel Grosclaude : « Le Béarn : Témoignages sur mille ans d’histoire » ?

Que i a trente ans, lo Professor Michel Grosclaude selectionà per ordi cronologic setanta « tèxtes istorics » en biarnés.

Un deus prumèrs tèxtes qu’es la carta de las carnisserias d’Ortès, carta autrejada en 1270.

Que i a tres ans, en aquesta sala de Senta Ursula, que’vs presentèi lo prumèr tèxte oficiau en gascon a Baiona, sia la carta de Ricard Còr de Leon de 1170?, cent ans abans lo tèxte deu Bearn, un sègle abans !

Qu’es díser atau la nosta responsabilitat entà la lenga mairana, responsabilitat de l’Academia Gascona de Baiona e responsabilitat deus Gascons deu Parsan de Baiona.

Uei, que vau presentar « Mossur lo regent », darrèr tèxte deu libe de Michel Grosclaude. Qu’es iva cançon engatjada entau gascon hèita en 1975.. Las paraulas que son de Gilbèrt Naroo, la musica e lo cantar deu grop « Los de Nadau ».

Lo subjècte qu’es l’interdiccion absoluda autasvetz de la lenga mairana a l’escòla, en classa de segur, mes tanben a la recreacion. La punicion qu’èra hèra hòrta : la vergonha e enqüèra la vergonha.

Lavetz ací lo tèxte « Mossur lo regent » :

Bon Nadau a totas e a tots.

MOSSUR LO REGENT

Mossur lo regent,

Dens ma lenga vòli parlar.

Mossur lo Regent,

Dens ma lenga vòli cantar.

Vòli parlar de la tèrra e deu cèu,

Vòli cantar la montanha e la nèu.

Arrepic : Pren la vergonha (1)

Es pas ací entà cantar.

Pren la vergonha

Es pas ací tà saunejar.

Pren la vergonha

Es ací entà’t carar.

Es ací tà tribalhar.

Mossur lo Curat,

Dens ma lenga vòli pregar.

Mossur lo Curat,

Dens ma lenga vòli cantar.

Perqué lo Bon Diu non sap parlar que francès.

S’èra lo Bon Diu parlaré en biarnés.

Mossur lo Regent,

Perqué donc la television

Mossur lo Regent,

Non parla pas com parli jo ?

Voi pas audir lo patoès de Paris,

Vòli audir ua votz deu païs.

Lo bonet d’aso,

Regent te’u hicarèi suu cap.

L’arròda vira.

Que’t tornarèi peras au sac.

N’èi pas vergonha.

Lhèu qu’anirèi en transicion

Mès parlarèi tostemps gascon.

Paroles : Gilbèrt Naroo

Musique : Los de Nadau.

Pour revenir au sommaire du capitol, cliquer ici